Главная

Тегін

Бұл курс әкімдік мамандарына және өңірлерде туризм саласын дамытамын деушілерге арналған. Біз аймақтың табиғи және мәдени әлеуетін – қонақтарды тартып, табыс әкелетін туристік жобаларға қалай айналдыруға болатынын көрсетеміз.

Курста сіз жергілікті халық, бизнес пен мемлекеттің күшін біріктіре отырып, бірегей туристік өнімдер жасауды және оларды нарықта ілгерілетуді үйренесіз. Сондай-ақ өңірдегі туризмді басқарудың заманауи моделі қандай екенін және оны іс жүзінде қолдануды қарастырамыз. Біз маркетинг пен туризмнің тұрақты даму құралдарын, яғни өңіріңізді тартымды туристік дестинацияға айналдыруға көмектесетін құралдарды талдаймыз.

Destination management. Туристік дестинацияларды басқару саласына кіріспе

Бірінші модульде сіз туристік дестинацияның негізгі ұғымдары және құрылымымен танысасыз. Сіз басқарудың негізгі модельдерін және мамандандырылған DMO ұйымдарының рөлін талдайсыз. Сондай-ақ 5 «А» талдауы мен «саяхаттың 5 кезеңі» арқылы аймаққа аудит жүргізіп, оның күшті және әлсіз жақтарын анықтауды, әрі дамытудың нақты шараларын әзірлеуді үйренесіз.

Туристік өнімдерді дамыту: Алматы және Жетісу облыстары мысалындағы әкімдіктердің рөлі

Екінші модульде сіз мемлекеттік органдардың, бизнестің шынайы серіктесіне қалай айнала алатынын білесіз. Сіз бәсекеге қабілетті туристік өнімдерді әзірлеуді және оларды нысаналы аудиторияларға бейімдеуді үйренесіз. Әсіресе Алматы және Жетісу облыстарындағы тәжірибелік кейстерге, сондай-ақ кәсіпкерлермен тиімді жұмыс істеу құралдарына ерекше назар аударылады.

Туристік дестинацияларды стратегиялық жоспарлау

Үшінші модульде сіз стратегиялық жоспарлаудың не екенін және оның неліктен туризмді дамытудағы бағыт-бағдар беретін «компас» екенін білесіз. Сіз негізгі үш құжатпен: Туризмді дамыту тұжырымдамалары, Туризмді дамытудың кешенді жоспарлары және мастер-жоспарлармен танысасыз. Катонқарағай мысалында бұл құжаттардың туристік дестинацияны жүйелі түрде дамытуға қалай көмектесе алатынын көресіз.

Туристік дестинациялардың маркетингі

Төртінші модульде сіз шағын ғана бюджетіңіз болса да, сауатты маркетингтің көмегімен аймақты танымал брендке айналдыруды үйренесіз. Әсіресе инфлюенсерлермен жұмыс істеу және «өңірдің өз хикаясын» құрастыру сияқты шығынсыз ілгерілету құралдарына ерекше назар аударылады. Кез келген дестинацияны табысты әрі тұрақты дамытудағы негізгі шарттың бірі ілгерлету құралдары екеніне көз жеткізесіз.

Destination management болашағы: трендтер, сын-қатерлер және өсу нүктелері

Бесінші модульде сіз табысты дестинацияларды айқындайтын төрт негізгі бағытпен танысасыз: тұрақты даму, тараптарды іске кірістіру, нақты аналитика және өнімді дербестендіру. Сіз ресурстарды ұқыпты пайдалануды және жергілікті халықты туризмге қалай кірістіру керектігін үйренесіз. Сонымен қатар, деректерді тұрақты түрде жинап, талдау арқылы дұрыс шешім қабылдауды, туристерге арналған жеке ұсыныстар жасауды және оларды тиімді арналар арқылы ілгерілетуді меңгересіз.

Қайрат Сәдуақасов

Дестинацияларды басқару жөнінде сарапшы

Толығырақ

Жанар Алчимбаева

Әл-Фараби атындағы Қазақ ұлттық университетінің рекреациялық география және туризм кафедрасы оқытушысы, Тұрақты туризм зертханасының ғылыми қызметкері.

Толығырақ