Главная

Тегін

Бұл курс гастрономиялық туризмнің, саяхат саласының жекелеген бағыты ретіндегі ерекшеліктерін айқындайды. Оқу кезінде сіздер саланың теориялық негізі жайлы ақпарат алып, Қазақстан мен шет елдерде гастротуризмді дамыту тәжірибесімен танысасыздар. Сала мамандары гастротуризмде бар мүмкіндіктер мен мәселелер жайлы ой тарқатып, жаңа гастротуристік өнім жасауға жарайтын идеялар мен нәтижелі құралдарды ұсынады.

Гастротуризм: негізгі ұғымдар, бағыттар және индустрияның өсу нүктелері

Курстың бірінші модулінде сіздер гастротуризмнің не екенін және оның бүкіл әлемде неге танымал екенін білесіздер. Гастротуризм түрлерімен және «аймақтың гастрономиялық бренді» түсінігімен танысасыздар.

Қазақстанда гастротуризмді дамыту тенденциялары мен әлеуеті

Бұл модульде Онлайн Академия тренерлері Қазақстанда гастротуризмді дамыту әлеуеті туралы сөз қозғайды, туристер мен оларды қабылдайтын тарап қандай қиындықтарға тап болатынын қарастырып, саладағы даму мүмкіндіктерін талдайды.

Қазақша гастротур. Ұлттық асхана, туристік тартымдық нысаны ретінде

Үшінші модульде елімізде гастрономиялық туризмді дамыту жолындағы ұлттық тағамдардың маңызын айқындап, осы саладағы сәтті жобалардың тәжірибесін сараптаймыз.

Бірегей гастротур жасауға жарайтын идеялар мен құралдар

Төртінші модульде сапалы және қызықты гастрономиялық өнім жасауға идея бола алатын мысалдарды талдаймыз және еліміздегі алғашқы «Қазақстан бойынша гастрономиялық жолсілтеме» жобасын назарларыңызға ұсынамыз.

Гастротуризм саласының қазіргі жағдайы. Сарапшылардың көзқарасы

Курстың қорытынды модулінде Қазақстандағы гастротуризмнің қазіргі жағдайы өзек болар талқыға қосыласыз. Сала мамандары өз көрген-білгенін бөлісіп, гастротуризмде бизнес жүргізу жайлы ақыл-кеңестерін айтады.